Gjaldskrá Almennu lögþjónustunnar ehf. 
kt. 580892-2809, 
Skipagötu 7, 600 Akureyri.

Bankareikningur:  1187-26-600001   

​

1. gr. Virðisaukaskattur til ríkisins.

1. Við allar þóknunarfjárhæðir og tímagjald lögmanna bætist virðisaukaskattur í ríkissjóð nema annað sé tekið fram. 

2. Við gildistöku gjaldskrár þessarar er virðisaukaskattur 24% en það kann að taka breytingum á gildistíma hennar. Virðisaukaskattur samkvæmt gildandi lögum bætist við allar fjárhæðir ef ekki er sérstaklega tekið fram að virðisaukaskattur (vsk) sé innifalinn þ.e. með vsk (m.vsk).

 

2. gr. Skaðabætur, vátryggingabætur, umferðarslys, launþegatryggingar, líftryggingar og frítímaslys.

1. Þóknun fyrir innheimtu framangreindra bóta fer m.a. eftir þessari grein.

2. Skjólstæðingur greiðir ekki innheimtuþóknun til lögmanns nema eitthvað innheimtist,  sbr. nánar næstu greinar. 

3. Ef engar bætur fást fyrir skjólstæðing greiðir hann ekkert fyrir vinnu lögmanns nema um það hafi verið sérstaklega samið,  eins og t.d. fyrir málsskot til úrskurðarnefndar, umsókn um gjafsókn og málaferli.

4. Ef bætur fást fyrir skjólstæðing er innheimtuþóknun 10% af því sem innheimtist auk vsk en að frádregnu því sem tryggingarfélag hugsanlega greiðir af innheimtuþóknun lögmanns.

5. Innheimtuþóknun er þó aldrei lægri en kr. 350.000 auk vsk. en þó aldrei hærri en bótafjárhæðin sem innheimtist.

6. Þóknun fyrir innheimtu tjónabóta, þegar reka þarf málið fyrir dómstólum, er samkvæmt 9. grein.
    

3. gr.Sjúklinga- og  sjúkdómatryggingar og kvörtun til landlæknis.

1. Þóknun fyrir málsskot og rekstur máls vegna krafna í sjúklingatryggingar og sjúkdómatryggingar er að lágmarki kr. 250.000  auk vsk.  Þetta lágmark er greitt í upphafi málsins.  Gjald skv. 3. og 4. tl. kemur til viðbótar þessu lágmarksgjaldi ef það á við. 

2. Ef ekkert innheimtist er greiðir skjólstæðingur ekki meiri innheimtuþóknun en fram kemur í 1. tl. nema hann hafi óskað eftir vinnu skv. 3. tl.

3. Mikil vinna; tímagjald með samþykki skjólstæðings.
   Að auki er tímagjald fyrir þann tíma sem fer í viðtöl og gagnaöflun ef það er umfram grunngjaldið.  Áður en kemur að tímavinnu er leitað eftir samþykki skjólstæðings.

4. Ef bætur fást fyrir skjólstæðing er innheimtuþóknun 10% af því sem innheimtist auk vsk en að frádregnu því sem tryggingarfélag hugsanlega greiðir af innheimtuþóknun lögmanns.  Þessi þóknun er til viðbótar framangreindri lágmarksþóknun sem greiða á í upphafi málsins skv. 1. tl.

5. Málsskot til landlæknis kostar 250.000 auk vsk. sem greiðist fyrirfram í upphafi máls. 

​

4. gr.Endurupptaka mála og meðferð hjá Örorkunefnd ríkisins.

1. Þóknun lögmanns fyrir vinnu við endurupptöku máls,  meðferð hjá örorkunefnd o.þ.h. er að lágmarki kr. 250.000 auk vsk.,  sem ber að greiða í upphafi málsisn.  Gjald skv. 3. 4. og 5. tl. kemur til viðbótar þessu lágmarki ef það á við. 

2. Ef ekkert innheimtist er greiðir skjólstæðingur ekki meiri innheimtuþóknun en fram kemur í 1. tl. nema hann hafi óskað eftir vinnu skv. 3. tl.

3. Mikil vinna; tímagjald með samþykki skjólstæðings.
   Að auki er tímagjald fyrir þann tíma sem fer í viðtöl og gagnaöflun ef það er umfram grunngjaldið.  Áður en kemur að tímavinnu er leitað eftir samþykki skjólstæðings.

4. Örorkumat hjá Örorkunefnd ríkisins:

   1. ​Áður en vinna hefst þarf skjólstæðingur að greiða kr. 900.000 kr. upp í kostnað inn á bankarreikning Almennu lögþjónustunnar ehf.,  en útlagður kostnaður er töluverður t.d. um 433.000 hjá örorkunefnd og læknisvottorð geta kostað nokkur hundruð þúsund.  Sjá nánar um kostnað Örorkunefndar hér: 6. gr. reglugerðar nr. 335/1993, sbr. reglug. nr. 77/2021 og þóknun skv. 1. tl. og hugsanlega 3. tl.

   2. Niðurstaða er vitanlega óviss en oft þarf örorka að hafa breyst verulega og jafnvel þó svo sé getur gagnaðili neitað greiðslu og því verður venjulega ekki breytt nema með kostnaðarsömum málaferlum.

5. Ef eitthvað innheimtist og bætur fást fyrir skjólstæðing er innheimtuþóknun lögmanns 10% af því sem innheimtist auk vsk en að frádregnu því sem tryggingarfélag hugsanlega greiðir af innheimtuþóknun lögmanns.  Þessi þóknun er til viðbótar framangreindri lágmarksþóknun sem greiða á í upphafi málsins skv. 1. tl. og er fyrir utan útlagðan kostnað.
    

5. gr.Mjög gömul mál.

1. Vinna er skv. tímagjaldi, sbr. 7. gr.

2. Tilkynna og kanna afstöðu hugsanlegra bótagreiðanda kr. 200.000.- með vsk..

3. Ef AL hf. telur málið líklegast fyrnt en skjólstæðingur óskar eftir frekari vinnu er það unnið skv. tímagjaldi sbr. 7. grein.

4. Ef eitthvað innheimtist er þóknun 10% af því sem innheimtist auk vsk en þó ekki lægri en kr. 350.000 auk vsk.   Auk gjalds skv. 2. tl. sem er sem sé ekki dregið frá þóknun skv. þessum lið.
    

6. gr.Úrskurðarnefndir unnið skv. tímagjaldi 7. greinar.

1. Þóknun fyrir málsskot og rekstur mála hjá úrskurðarnefndum er að lágmarki kr. 250.000 auk vsk.,  sem er greitt í upphafi málsins. Gjald skv. 3. 4. og 5. tl. kemur til viðbótar þessu lágmarki ef það á við. 

2. Ef ekkert innheimtist er greiðir skjólstæðingur ekki meiri innheimtuþóknun en fram kemur í 1. tl. nema hann hafi óskað eftir vinnu skv. 3. tl.

3. Mikil vinna; tímagjald með samþykki skjólstæðings.
   Að auki er tímagjald fyrir þann tíma sem fer í viðtöl og gagnaöflun ef það er umfram grunngjaldið.  Áður en kemur að tímavinnu er leitað eftir samþykki skjólstæðings.

4. Ef bætur fást fyrir skjólstæðing er innheimtuþóknun 10% af því sem innheimtist auk vsk en að frádregnu því sem tryggingarfélag hugsanlega greiðir af innheimtuþóknun lögmanns.  Þessi þóknun er til viðbótar framangreindri lágmarksþóknun sem greiða á í upphafi málsins skv. 1. tl.

5. Málskotsgjald til Úrskurðarnefndar í vátryggingamálum er svona:

   1. ​fyrir einstakling 10.000 kr.

   2. fyrir einstakling í atvinnurekstri og kvörtun tengis atvinnurekstri hans 25.000 kr. 

   3. ​lögaðila 50.000 kr.

​

7. gr. Tímagjald.

1. Tímagjald er frá 26.000- kr. til 35.000,- kr.  auk virðisaukaskatts sem er 24%.

2. Nánari tilgreining tímagjaldsins fer eftir hagsmunum sem um er fjallað, ábyrgð lögmannsins, starfsreynslu hans og sérþekkingu, verkhraða og niðurstöðu máls. 

3. Haldin er skrá um þá tíma sem til verksins fara og við hvað er unnið hverju sinni.

4. Viðskiptamaður á rétt á afriti af tímaskýrslum til skýringar á reikningi.

5.  1/4 úr klukkustund gjaldfærist fyrir hverjar byrjaðar 15 mínútur.   

6. Fyrir hvert símtal og/eða tölvupóst skulu að jafnaði skráðar að lágmarki 15 mínútur.

7. Innborgun í upphafi máls skal að jafnaði ekki vera lægri en kr. 500.000.   Þegar 50.000 kr. eru eftir af inneign skal að jafnaði aftur greiða kr. 500.000 inn á málið.   Ef ekki er staðið við innborganir áskilur lögmaður sér rétt til að segja sig frá málinu.

8. Skjólstæðingum er bent á að takmarka rafpósta og símtöl við það sem nauðsynlegt er til að skapa ekki óþarfa tímaskráningu og kostnað á málið.

 

8. gr. Gjafsókn.
Þóknun fyrir að sækja um gjafsókn til ríkisins er kr. 350.000.-  auk vsk. auk tímagjalds fyrir þann tíma sem fer í viðtöl og gagnaöflun ef það er meira en venjulegt má vera við slíkar umsóknir. 

 

9. gr. Málflutningur fyrir dómstólum

1. Rekstur máls fyrir dómstólum skal almennt ákvörðuð með tilliti til þeirra hagsmuna, sem um er fjallað. Málflutningsþóknun er reiknuð af samanlagðri fjárhæð höfuðstóls og vaxta við dómtöku máls. Málflutningsþóknun samkvæmt þessari grein getur þó aldrei orðið lægri en sem nemur tímagjaldi samkvæmt tímaskráningu.

2. Í þeim málum sem munnlega eru flutt eða gagnaöflun fer fram í eftir þingfestingu, skal þóknun vera kr. 550.000,- án vsk. að viðbættum 15% af stefnufjárhæð og vöxtum, allt að kr. 6.000.000.-, 7% af næstu kr. 10.500.000.- og 5% af því sem umfram er.

3. Eða unnið er skv. tímaskráningu þ.e. 7. gr.   Reikna má með að það taki að lágmarki 70 klst.  og oft mun lengri tíma.

4. Í málum þar sem örðugt er að meta hagsmuni til fjár og þar sem um lágar fjárhæðir er að ræða en úrslit máls hafa þýðingu fyrir ótiltekinn fjölda aðila skal þóknun að jafnaði miðast við tímagjald eftir umfangi máls nema sérstaklega standi á.

5. Rétt er að krefja sérstaklega um þóknun fyrir flutning um formhlið máls, vegna dómkvaðningar matsmanna og vegna meðferðar matsmála.

6. Auk ofangreinds kemur þóknun fyrir mót þ.e. mætingar í dómssal.

7. Málskostnaður sem dæmdur er í máli, fellur til málsaðila og hefur ákvörðun dómsins um fjárhæð málskostnaðar ekki áhrif á útreikning málflutningsþóknunar lögmanns.

8. Viðskiptavinur ber ábyrgð á greiðslu málflutningsþóknunar lögmanns.
    

10. gr. Erfðaskrár.
Þóknun fyrir gerð erfðaskrár er skv. 7. gr. þ.e. tímagjaldi.   Afar misjafnt er hve mikill tími fer í að gera erfðaskrá en iðulega er það að lágmarki 4 tímar með fundum,  skjalagerð og skráningu. 

​

11. gr. Kaupmálar.

Þóknun fyrir gerð kaupmála er skv. 7. gr. þ.e. tímagjaldi.   Afar misjafnt er hve mikill tími fer í að gera kaupmála en iðulega fara ekki færri en 4 tímar í viðtöl, gagnaöflun,  skjalagerð og skráningu o.fl. 

 

12. gr. Útlagður kostnaður
Til viðbótar við þóknun skal viðskiptamaður greiða allan útlagðan kostnað AL hf. í máli hans, þ.m.t. ferðakostnað, kostnað vegna vottorða, matsgerða, endurrita, uppflettinga í opinberum skrám o.fl.
 

13. gr. Mót.
Mót í héraðsdómi og hjá sýslumanni kr. 15.000.- án vsk. eða samkvæmt tímagjaldi, fari meiri tími til verksins, með ferðum, en 30 mínútur skulu fyrrgreindar fjárhæðir reiknast fyrir hverjar byrjaðar 30 mínútur.
 

14. gr. Búskipti, greiðslustöðvun, nauðasamningar

1. Þóknun fyrir skiptastjórn, aðstoð við greiðslustöðvun eða umsjón með nauðasamningum er samkvæmt tímagjaldi.

2. Í búum, þar sem um verulegar eignir er að ræða, er heimilt að reikna 25% álag á tímagjald vegna vinnu við fyrstu aðgerðir.

3. Þóknun fyrir málflutning og innheimtu, sem tengist skiptastjórn, reiknast sérstaklega eftir viðeigandi köflum gjaldskrár þessarar.

 

15. gr. Dvalarleyfi og ríkisborgararéttur.
Þóknun fyrir umsjón með umsóknum um dvalarleyfi og ríkisborgararétt er kr. 350.000.- án vsk., auk tímagjalds fyrir þann tíma sem fer í viðtöl og gagnaöflun.

 

16. gr. Ýmis Skjalagerð og Ráðgjöf

1. Þóknun fyrir gerð skuldabréfa og tryggingabréfa er kr. 90.000.- án vsk. að viðbættu tímagjaldi

2. Þóknun fyrir gerð kaupsamninga eða afsalsbréfa skal vera kr. 360.000.- án vsk. og 0,75 % af kaupverði eftir umfangi verks.

3. Þóknun fyrir veðleyfi, veðbandslausn, umboð og ýmsar umsóknir er kr. 55.000,- án vsk. auk tímabjalds.

​

17. gr. Kaup og sala
Þóknun fyrir kaup eða sölu fasteigna og lausafjár skal almennt ákvörðuð með tilliti til þeirra hagsmuna sem um er fjallað samkvæmt neðangreindu. Ákvæði þessi gilda einnig um kaup og sölu atvinnufyrirtækja.

1. Sala fasteigna og skráðra skipa 2,5 % af söluverði en 1,5 % í einkasölu.

2. Kaup fasteigna og skráðra skipa 1 % af söluverði.

3. Fyrir að annast skjalagerð og frágang við sölu á fasteign eða skráðu skipi 1 % af söluverði að lágmarki þó kr. 350.000.- án vsk..

4. Fyrir að athuga samninga og skjöl við sölu eða kaup fasteigna, skipa, lausafjár eða annarra eigna, sem annar aðili hefur gert, greiðist þóknun samkvæmt tímagjaldi auk 0,5% af samningsfjárhæð.

5. Kaup og sala lausafjár 3-5 % af söluverði en að lágmarki 350.000,- án vsk. Sala atvinnurekstrar 3-5 % af söluverði.

6. Kaup á atvinnurekstri 1% af kaupverði.

​

18. gr.  Aksturskostnaður og dagpeningar

Aksturskostnaður á Akureyri er kr. 2.500.- Annar aksturskostnaður er kr. 316.- fyrir hvern ekinn kílómetra auk kr. 1.500.-.Fyrir störf utan Eyjafjarðar, greiðast aukalega dagpeningar kr. 42.500.- auk alls ferða og dvalarkostnaðar.
 

19. gr.  Ábyrgð,  frávik frá þóknun og fleira.

1. Heimilt er að taka hærri þóknun en lýst er í gjaldskránni ef verkefni krefst vinnu utan reglulegs vinnutíma, vinna fer fram í öðru landi, á erlendu tungumáli eða hraða þarf afgreiðslu sérstaklega. Einnig ef verulegir hagsmunir tengjast vinnunni.

2. AL hf. gæti áskilið sér rétt til að óska eftir að greitt sé fyrirfram fyrir áætlaða þóknun vegna þjónustunnar. 

3. AL hf. getur krafist þess að viðskiptavinur greiði fyrirfram upp í þóknun og mánaðarlega útlagðan kostnað og þóknun jafnóðum sem verkinu miðar áfram.

4. Viðskiptavinur greiðir allan útlagðan kostnað, þar með talinn kostnað við akstur og ferðalög. Ýmis kostnaður sem fellur til á skrifstofunni og erfitt er að sérgreina svo sem ljósritun, vélritun, faxsendingar og póstburðargjöld er að jafnaði innifalinn í þóknun samkvæmt gjaldskrá þessari.

5. Tímagjald og aðrar fjárhæðir í gjaldskránni breytast í samræmi við almennar verðlagsbreytingar. Þóknun,  lágmörk og aðrar upphæðir miðast við þá gjaldskrá sem gildir þegar reikningur fyrir verkið er gerður.

6. Viðskiptamanni ber að kynna sér gjaldskrá þessa og er hann ábyrgur fyrir greiðslu þóknunar og útlagðs kostnaðar, hvort sem hún fæst greidd úr hendi gagnaðila eður ei.

​

​20. gr.  Ábyrgð,

Ábyrgð AL HF gagnvart viðskiptavin er takmörkuð við fjárhæð ábyrgðartryggingar AL ehf.  en starfsábyrgðartrygging lögmanna í jan 2021 kr. 59.142.700.   Ef ábyrgðartryggingin tekur ekki til tjónsins er ábyrgð takmörkuð við 25. gr. laga nr. 77/1998 um lögmenn sem er 15.850.000 kr.

 

21. gr. Gildistaka

Gjaldskráin tekur gildi við birtingu og gildir um öll uppgjör sem fram fara eftir að hún tekur gildi.
 

F.h. Almennu lögþjónustunnar ehf.

Skipagötu 7, 600 Akureyri. 

kt. 580892-2809  

Banki: 1187-26-600001. 

VSK. nr. 34835.

Þorsteinn Hjaltason, lögmaður