Um Almennu lögþjónustuna
Réttur þinn er okkar starf.
Okkar starf er að hjálpa þér að ná rétti þínum. Það þarf ekki að vera flókið. Við leggjum við hlustir, greinum vandann, leiðbeinum og finnum lausnir.
Almenna lögþjónustan ehf. var stofnuð 1992. Almenna lögþjónustan ehf. var til húsa að Kaupvangsstræti 7, á Akureyri frá 1992 til 1995 en þá flutti fyrirtækið í rúmlega 100 m² eigið húsnæði að Skipagötu 7, 2. hæð, Akureyri.
Starfsmenn.
Þorsteinn Hjaltason lögmaður,
Þorsteinn fæddist 1. maí 1963. Gekk í Barnaskóla Akureyrar, BA, Gagnfræðaskóla Akureyrar GA, og Menntaskólann á Akureyri, MA. Úskrifaðist frá MA um vorið 1983. Hann kenndi einn vetur við Oddeyrarskólann á Akureyri. Fór svo haustið 1984 í lagadeild Háskóla Íslands og útskrifaðist þaðan 1989. Vann á lögmannsstofunni Lögbergi á Akureyri til 1992 er hann stofnaði Almennu lögþjónustuna ehf. Hefur alla tíð unnið mestmegnis við bótamál vegna líkamstjóns. Þorsteinn kenndi lögfræði við Menntaskólann á Akureyri í nokkur ár og 10 ár við lagadeild Háskólans á Akureyri. Þar kenndi hann skaðabótarétt, rómarétt, eignarétt og fullnusturéttarfar. Þorsteinn var kjörinn varamaður í yfirkjörstjórn Norðurlandskjördæmis eystra þann 31. maí 1991 og sat í kjörstjórn Akureyrarbæjar í mörg ár. Þorsteinn hefur ritað nokkrar lögfræðilegar greinar sem birtar voru í Úlfljóti og Lögfræðingi. Hrafnhildur Björnsdóttir og Þorsteinn eru hjón síðan 26. ágúst 1989.
Gunnhildur Anna Sævarsdóttir lögfræðingur
Hrafnhildur Björnsdóttir skrifstofustjóri.
Akureyrarmyndirnar fallegu á síðunni tók svili Þorsteins og mágur Hrafnhildar, Sr. Svavar Alfreð Jónsson. Aðrar tók Þorsteinn í nágrenni Akureyrar, nema reyndar myndina þar sem hann liggur undir mótorhjólinu, þá mynd tók vinur okkar Finnur Aðalbjörnsson.
Um lögmenn er fjallað í lögum nr. 77/1998. Þar kemur fram að öllum lögmönnum er skylt að vera í Lögmannafélagi Íslands skammstafað LMFÍ, sjá nánar um LMFÍ á heimasíðu félagsins. Í tengslum við LMFÍ starfar úrskurðarnefnd lögmanna sem leysir úr málum skv. ofangreindum lögum, sjá nánar um þá nefnd hér. LMFÍ setur siðareglur fyrir lögmenn og er hægt að sjá þær siðareglur hér.
Almenna lögþjónustan ehf.
kt. 580892-2809, vsk. númer: 34835
Banki: 1187-26-600001
Skipagötu 7, 2.hæð,
Pósthólf 32
IS 600 Akureyri,
Iceland
tel. 354 460 9800
fax: 354 460 9801
